مۆی*
 مۆی هه‌زار جار مۆی
که‌ تۆ سه‌ڵاوم لێ ده‌که‌ی
 واده‌زانم به‌و لێوانه‌ت که‌ شیرینن شه‌کر ده‌خۆی
کچێ له‌ قژت عه‌تر ئه‌بارێ
 له‌ چاوانت خۆشه‌ویستی
 میهره‌بانی له‌ سیمات و
 له‌ ده‌نگتدا ئاواز و نه‌ی
 ***
 هه‌زار جار مۆی
 هه‌ر که‌ تۆ دێی
 ژیان تامی تری هه‌یه‌
 سروشت ڕه‌نگێ تر ده‌به‌خشێ
 جا نازانم هی ئه‌وه‌یه‌ خۆشم ده‌وێی
 یان تۆ هه‌ر خۆت به‌ تام و بۆی
 ***
 من میوانی سه‌ر سفره‌ی تۆم ئه‌م ئیواره‌
به‌ڵین ده‌ده‌ی
له‌ شه‌رابی کوڵمی ئاڵ و
نیگای چاوت لێوم ته‌ڕکه‌ی
به‌ڵێن ده‌ده‌ی
ته‌نیا جارێ ئه‌م دروێشی ڕێگای عیشقه‌
به‌ عیشوه‌ی ناز سه‌رمه‌ست بکه‌ی
یاخود دیسان
حه‌زه‌کانم پشت گوێ ده‌خه‌ی؟

نه‌که‌ی رۆژێ شێتی بێت و له‌ سه‌رت با

ئه‌م ده‌ڤه‌ره‌ به‌جێ بێڵی و برۆی

وا ده‌زانی گه‌ر تۆ نه‌بی

ژیان ده‌که‌م

من ساتێ بێ تۆ هه‌ڵناکه‌م

چون له‌ گه‌ڵ خۆت ڕوحم ده‌به‌ی

_____________

*مۆی به‌ فنله‌ندی واته‌ چۆنی